Кондолиза Райс-вазири хориҷаи Амрико аз Исроил хостааст, ки барои беҳбуди шароити зисти фаластиниҳо дар Каронаи Ғарбии Руди Урдун даст ба иқдомоти мушаххас бизанад. Вай ин нуктаро баъд аз дидораш бо Маҳмуд Аббос-раиси ташкилоти худгардони Фаластин дар Ромаллоҳ изҳор доштааст. Хонум Райс ҳамчунин гуфтааст, беҳбуди шароити зисти фаластиниҳо дар Каронаи Ғарбӣ ба масъалиятшиносии ташкилоти худгардони Фаластин низ бастагӣ дорад.
