Нирӯҳои Амрико мегӯянд, ахиран дар амалиётҳои муштарак бо нирӯҳои ироқӣ дар Бағдод 38 ҷангиро ба ҳалокат расондаанд.
Нирӯҳои Амрико мегӯянд, аз ҷумла, 22 ҷангӣ шаби душанбе ба ҳангоми хунсо кардани ҳамлаи гурӯҳи бузурги ҷангиён ба як посгоҳи нирӯҳои ироқӣ дар шимолу шарқи Бағдод кушта шуданд.
Маҳалли мушаххаси ин задухӯрд оварда нашудааст, вале дар шимолу шарқи Бағдод минтақаҳои шиъанишине чун минтақаи ошӯбзадаи Садр воқеъ мебошанд.
16 ҷангии дигар дар задухӯрдҳои мухталифе, ки тайи ҳафтаҳои гузашта дар Бағдод сурат гирифтанд, кушта шудаанд.
