Довталаби унвони номзад ба мақоми раиси ҷумҳури Амрико аз Ҳизби Демократ Ҳилларӣ Клинтон дар интихоботи муқаддамотӣ дар иёлати Пенсилвания рақиби ҳамҳизбаш Барак Обамаро шикаст дод. Хонум Клинтон дар раъйдиҳии муқаддамотӣ 55 ва Барак Обама 45 дар сади раъйи тарафдорони худро соҳиб шуданд. Аммо барои маълум шудани номзади ниҳоӣ ба мақоми раиси ҷумҳури Амрико аз Ҳизби Демократ интихоботҳои муқаддамотии дигар сурат мегиранд ва раъйгирӣ моҳи июн ба поён мерасад. Интихоботи раёсати ҷумҳури Амрико моҳи ноябри соли равон баргузор мешавад.
