Виталий Чуркин-намояндаи Руссия дар СММ гуфтааст, ки Маскав бо мавзеъгирии Бан Ки Мун-ДК СММ роҷеъ ба масъалаи Косово қаноъатманд нест. Бан Ки Мун аз додани изҳорот дар бораи Косово худдорӣ кард. Изҳороти вай метавонист мавзеъгириашро ё ба ҷонибдорӣ ва ё бар хилофи истиқлоли Косово аз Сербистон таъйин кунад. Аммо оқои Чуркин хабари мунташираро дар ин бора, ки Руссия ба сабаби чунин мавзеъгирӣ барои дуввумин давра ҷонибдори интихоби Бан Ки Мун ба мақоми ДК СММ нахоҳад буд, рад кард.
