Президенти Иёлоти Муттаҳида Ҷорҷ Даблю Буш шаби гузашта вориди Киев, пойтахти Укроин шуд. Қарор аст вай имрӯз дар дидор бо сарони ғарбгарои Укроин пуштибонияшро аз талоши Киев ба ширкат дар барномаи Тарҳи узвияти НАТО эълон намояд. Ин барнома зинаи аввали ҳаракат ба узвияти комил дар Паймони Атлантики Шимолӣ мебошад. Буш талоши худро дар нишасти сарони НАТО дар Бухорест низ идома хоҳад дод.
