Сарнавишти панҷ сокини як бинои иқоматии ахиран дар шаҳри Олесунни Норвегия фурӯрехта то ҳанӯз рушан нест. Дар ин бино беш аз 20 нафар ба сар мебурданд ва бар асари ин ҳодиса чанд тани онҳо ҷароҳат бардоштанд. Дар ҷойи тахриби бино корҳои наҷотбахшӣ ва поккорӣ идома дорад. Кормандони пулис ҳадс мезананд, ки аз зери харобаҳо пайдо кардани ягон ҷони зинда гумон аст.
Тибқи иттилоъи пешакии тафтишот, ин ҳодиса бар асари шикастани як кӯҳпорае рух додааст, ки бино дар домани он бунёд шуда буд.
