Игор Ринкевич, собиқ вакили мудофеъи Козулин, ба Радиои Озодӣ гуфт, ки ҷанозаи хонуми Александр Козулин ба рӯзи сешанбе муқаррар шудааст ва аммо пайвандони марҳум эълом доштанд, ки маросимро бидуни ширкати Александр Козулин баргузор нахоҳад кард.
А. Козулин гуфтааст, ки, агар ба додаш нарасанд, омода аст, то аз дунё даргузаштан гурусна нишинад ва ӯро ҳамроҳ бо хонумаш ба хок супоранд. Ба гуфтаи табибон, ҳангоми гуруснанишинӣ бо парҳез ҳатто аз об кас аз як ҳафта бештар зиста наметавонад.
Қавонини Беларус ба зиндониён иҷоза додааст, ки ҳангоми даргузашти яке аз пайвандонашон барои чанд рӯз аз маҳбас озод шаванд. Ва аммо раиси маҳбаси шаҳри Витебск, ки Александр Козулин инҷо зиндонист, изҳор дошт, Козулин дар чанд қонуншикании дохилимаҳбасӣ айбдор шудааст ва, аз ин рӯ, бидуни иҷозаи мақомоти расмии кишвар имкони берун шудан аз дарвозаи маҳбасро надорад.
Бо вуҷуди ин мақомоти Беларус бояд ба арзи духтарони Козулин Волга ва Юлия, ки ширкати падарашон дар маросими ҷанозаро тақозо кардаанд, посух гӯянд.
Игор Ринкевич мегӯяд, аҳли хонаводаи Козулин умедворанд, ки оқибат ба ӯ иҷозаи ширкат дар ин маросими мотам дода мешавад. Дар суҳбат бо Радиои Озодӣ ӯ афзуд, ки “одамони зиёде аз вилоятҳо телефон мекунанд ва мегӯянд, ки онҳо омодаанд барои ибрози эътирози сиёсӣ ба пойтахт раванд». Вале, афзуд ӯ, мо онҳоро мутмаин месозем, ки ин корро накунанд, зеро бовар дорем, ки мақомот аз хирад кор гирифта қонунро риоя мекунанд ва Александр Козулин барои дидор бо хонаводааш имкон пайдо хоҳад кард.
Ҷонибдорони Александ Козулин ба сарнавишти ӯ таваҷҷуҳи зиёд зоҳир мекунанд, зеро акнун ӯ охирин маҳбуси сиёсӣ дар Беларус аст, ки бо вуҷуди эътирози ҷомиъаи ҷаҳонӣ ва маризияш дар маҳбас боқӣ мемонад.
Тайи чанд ҳафтаи ахир мақомоти Белорус ғайриинтизор 6 маҳбуси сиёсӣ – тоҷирон Юрий Лявоно ва Михаил Отухович, фаъолони ҷавони нерӯҳои мухолифин Артур Финкевич ва Змитсер Дашкевич, хабарнигор Александр Здвижков ва сиёсатмадори мухолифи ҳукумат Андрей Климайро – афв карданд.
хуб мешуд мушкилиро хал мекардед на ин кт бо нишон додани афсарон балки бо сухбати мардум. ин афсаронамизодаи ин ватананд. афсуски намефахмед
Рохи студентхо кай кушода мешавад?
Барои чи ягон журналист савол намедихад дар вакти мачлис е баромадаш ба президент ки пулхои карз гирифтаро кай месупоред еки Давлат метавонад аз ухдаи ин миллиард доллар карзхо барояд то ки мардум фахманд
Интернети 250 гузарони не кух халал мерасонад не мавч
Чихел паст ман шумода ҳайрон.Ман Билаен истифода мебарам дар як моҳ панҷо сомони интернет чорҷи як моҳ бепул шабу рӯз боз 100 минут ба дигар тарафҳо