Доналд Трамп, президенти ИМА таҳдид кардааст, ки агар шарикони аврупоӣ барои боз шудани тангаи Ҳурмуз ёрӣ надиҳанд, кумакҳои низомӣ ба Украинаро қатъ хоҳад кард.
Дар ин бора нашрияи Financial Times бо такя ба манобеаш хабар додааст.
Гулӯгоҳи Ҳурмуз, ки беш аз 20 дарсади нафти ҷаҳон аз тариқи он интиқол меёбад, беш аз як моҳ боз пас аз ҳамлаи Исроилу Амрико ба Эрон баста шудааст.
Пештар Трамп аз кишварҳои узви паймони НАТО хоста буд, ки дар боз кардани тангаи Ҳурмуз кумак кунанд, вале онҳо рад карданд.
Нашрияи Financial Times навиштааст, Трамп ҳушдори қатъи кӯмак ба Украинаро додааст.
Баъди ин, рӯзи 19-уми март Фаронса, Олмон ва Баритониёи Кабир эълон карданд, ки барои амнияти убури киштиҳо аз тангаи Ҳурмуз саҳм мегузоранд.
Баста шудани амалии тангаи Ҳурмуз аз сӯи Эрон дар як моҳи гузашта ҷараёни ҷаҳонии интиқоли нафтро халалдор кард, ки он боиси ҷаҳиши қиматҳо дар саросари ҷаҳон шудааст.