Дар тирпаронӣ дар назди консулгарии Исроил дар Туркия ду кас кушта шудааст. Ҳодиса рӯзи 7-уми апрел дар шаҳри Истанбул рӯй дод.
Нашрияи "Ҳуррият" навишт, се нафар бо силоҳ ба биное ҳамла кардаанд, ки дар яке аз ошёнаҳояш консулгарии Исроил ҷойгир буд.
Ба иттилои манбаъ, нерӯҳои амниятӣ ва пулиси Туркия ду ҳамлагарро кушта ва нафари севумро дастгир кардаанд. Ӯ сахт захмист.
Дар ин ҳодиса ду корманди пулис низ ҷароҳат бардоштанд.
Ҷойи ҳодиса
Як манбаъ дар ҷомеаи яҳудиёни Истанбул ба нашрияи "The Jerusalem Post" гуфтааст, консулгарӣ беш аз ду сол боз баста буд ва эҳтимол ҳангоми ҳодиса дар он ҷо дипломатҳо ҳузур надоштанд.
Мақомоти Туркия ҷузъиётро дар бораи сабаб ё ангезаи тирпаронӣ нашр накардаанд.
Вазорати корҳои хориҷии Исроил низ иттилоъро дар бораи ин ҳодиса мавриди санҷиш қарор додааст.
Ҷойи ҳодиса