Федератсияи иттифоқҳои касабаи мустақили Тоҷикистон мегӯяд, сокинони Тоҷикистон дар моҳи март 15 рӯз истироҳат хоҳанд кард.
Ба гуфтаи ин ниҳод, бинобар он, ки баъзе ҷашнҳо, аз ҷумла, "Рӯзи модар" ва ҷашни "Наврӯз" ба рӯзҳои ғайрикорӣ рост меоянд, шаҳрвандон дар баъзе аз рӯзҳои корӣ ҳам истироҳат мекунанд.
Бар асоси Қонун "Дар бораи рӯзҳои ид", агар ҷашни расмии давлатӣ ба рӯзи истироҳат, яъне шанбеву якшанбе рост ояд, пас рӯзи кории баъдӣ низ истироҳатӣ эълон мешавад.
Ба ин тартиб, "Рӯзи модар" ба рӯзи шанбе рост меояд ва сокинон рӯзҳои 8, 9 ва 10 март таътил хоҳанд дошт.
Ҳамчунин, рӯзҳои расмии истироҳат дар Наврӯз 21, 22, 23 ва 24 март мебошанд.
Азбаски 22-23 март ба шанбе ва якшанбе рост меоянд, рӯзҳои 25 ва 26 март низ истироҳат хоҳад буд.