Мақомоти Молдова олигарх Владимир Плахотнюкро ба Кишинёв истирдод намуданд ва пешбинӣ мешавад, ки ин ҳодиса метавонад ба интихоботи пуртаниш дар ин кишвари собиқи шӯравӣ таъсиргузор шавад.
Владимир Плахотнюкро тобистони имсол дар Юнон бар асоси шикояти Молдова аз рӯи иттиҳоме, ки онро дар кишвар “тақаллуби аср” номидаанд”, боздошт ва 25 сентябр истирдод карданд. Ӯро дар нопадидшавии 1 миллиард доллар маблағҳои бонки дар соли 2014 гумонбар медонанд. Ин маблағ 12 дарсади маҷмӯи маҳсулоти дохилии Молдоваро ташкил медиҳад. Владимир Плахотнюк давоми солҳои дароз барои сафед кардани номаш мубориза бурд. Ҳоло интизор меравад, ки 26 сентябр бори аввал дар додгоҳ ҳозир шавад.
Интихоботи парлумонии Молдова 28 сентябр барпо мешавад ва натиҷаҳои он маълум мекунад, ки самтгириҳои баъдии ин кишвар бо Иттиҳоди Аврупо аст ё Русия.