Қурби рубли Русия дар баробари сомонӣ дар Тоҷикистон поин меравад.
Бонки миллии Тоҷикистон рӯзи 26-уми ноябр арзиши ҳазор рубли Русияро 102 сомониву 60 дирам муқаррар кардааст. Дар баъзе аз бонкҳои кишвар он ба 100 сомонӣ фурӯхта мешавад. Як ҳафта пеш 1000 рубл ба 106 сомонӣ баробар буд.
Дар бонкҳои тиҷоратӣ коҳиши қурби рублро дар ҳафтаҳои охир тасдиқ карда, вале шарҳ надоданд.
Қурби рубл барои аксар сокинон дар Тоҷикистон муҳим аст, чун наздиконашон аз Русия асосан пули русӣ мефиристанд.
Ҳар сол садҳо ҳазор шаҳрванди Тоҷикистон дар ҷустуҷӯйи кору маоши муносиб ба Русия мераванд ва ин кишвар яке аз манбаъҳои асосии даромади хонаводаҳо ба шумор меравад.
Бо таваҷҷуҳ ба ин, ҳар тағйир дар қимат ё арзиши рубл ба вазъи зиндагии онҳо таъсир хоҳад гузошт.