Бар асари афтодани як ҳавопаймои бесарнишини Русия дар Харкови Украина камаш ду кас маҷруҳ шудааст.
Мақомот гуфтанд, ки паҳпод ба бинои баландошёнаи истиқоматӣ бархӯрд.
Дар умум шаби 25 ба 26-уми феврал дар гӯшаҳои Харков чаҳор ҳамлаи бесарнишинҳо сабт шудааст.
Русия ҳамчунин бо ҳавопаймоҳои бесарнишин вилояти Киевро нишон гирифт. Дар ноҳияи Буча як манзил сӯхта, ҷасади як нафар пайдо шуд.
Дар бораи ҳамлаҳои ҳавопаймоҳои бесарнишин дар шаҳри Киев низ гузориш шуд, аммо дар бораи зарар ва талафот иттилое дар даст нест.