Ватикан, давлати хурде дар шаҳри Руми Италия, маркази католикҳои ҷаҳон аст. Попи Рум дар Тоҷикистон низ намоянда дорад.
Эмомалӣ Раҳмон дар суҳбат бо Попи Рум гуфтааст, ки “дар Тоҷикистон тамоми шароит барои таҳаммулпазирӣ ва ҳамзистии намояндагони ҳамаи динҳо фароҳам оварда шудааст.”
Созмонҳои байналмилалӣ Тоҷикистонро барои маҳдуд кардани озодиҳои динӣ ҳамеша танқид мекунанд.
Эмомалӣ Раҳмон дар мулоқоташ таъкид кардааст, ки саҳми калисои католикӣ ва Попи Рум дар татбиқи сулҳу субот дар ҷаҳон назаррас аст.
Акс бо домоду духтараш
Дар аксҳое, ки сомонаи президенти Тоҷикистон нашр кардааст, акси ҷудогонаи президент ва попи Рум ва ҳам акси умумии ҳайати ҳукуматии Тоҷикистон нашр шудааст. Дар акси дигаре президент бо аъзои оилааш дар канори попи Рум дида мешавад.
Дар ин акс инчунин домоди президент Шамсулло Соҳибов, ки чун муассиси ширкати монополист ва моҷаробарангези "Фароз" ном баровардааст ва ҳамсари ӯ - духтари президент ва сафири Тоҷикистон дар Британияи Кабир ва Ирландияи Шимолӣ Рухшона Эмомалӣ дида мешаванд. Сафири Тоҷикистон дар Италия Ҷамолиддин Убайдуллоев мебошад, ки ӯ дар аксҳои умумии ҳайати Тоҷикистон бо Попи Рум дида мешавад.
Президенти Тоҷикистонро ҳомиёни ҳуқуқ барои эҷоди як ҳукумати оилавӣ ва дар дасти аъзои хонаводааш тамаркуз ёфтани даромадҳои асосӣ аз иқтисоди кишвар интиқод мешавад.
Эмомалӣ Раҳмон аз рӯзи 22-юми апрел дар Италия қарор дорад ва бо мақомоти баландпояи ин кишвар, доираҳои тиҷоратӣ ва тоҷикони муҳими ин кишвари аврупоӣ дидору гуфтугӯ кардааст.
ИНЧУНИН, БИХОНЕД:
"Гурӯҳи 24" гуфт, пулиси Италия 8 узви боздоштшудаи ин созмонро раҳо кардааст"Гурӯҳи 24" мегӯяд, 8 узви ин созмони мухолиф дар Рум дастгир шудаандРаҳмон: "Италияро шарики муҳим ва боэътимоди худ дар Аврупо медонем"