Ким Чен Ин, раҳбари Кореяи Шимолӣ рӯзи 8-уми феврал дар як суҳбаташ гуфтааст, ки пуштибониашро аз Русия дар ҷанги зидди Украина идома медиҳад.
Пештар, мақомоти Украина гуфта буданд, ки Кореяи Шимолӣ беш аз даҳ ҳазор сарбозашро ба ҷабҳаи ҷанг бо пуштибонӣ аз Русия фиристодааст.
Ким Чен Ин дар суҳбаташ ҳамкориҳои низомии Амрико бо Ҷопон ва Кореяи Ҷанубиро танқид кардааст. Ӯ гуфтааст, ки сохтани мушакҳои дорои кулоҳаки ҳастаиро афзоиш медиҳад ва дар сурати зарурат ба таҳдидҳо посух медиҳад.
Кореяи Шимолӣ як кишвари қафомонда аст, ки он аз ҷониби як хонавода идора мешавад.
Кореяи Шимолӣ бо ҳамсоякишвараш Кореяи Ҷанубӣ солҳост, ки муносибати бад дорад.