Фиристодаи вижаи Доналд Трамп дар умури Украина ва Русия рӯзи 2-юми феврал ҳушдор дод, ки агар ҳарду тараф ба ҳалли ҷанг умед доранд, бояд гузашт кунанд.
Кит Келлог гуфт, "эҳтимол дар ояндаи наздик бо ҳама суҳбат хоҳем кард. Ва ин барои ҳарду ҷониб хуб аст."
Келлог дар мусоҳиба бо хабаргузории Reuters гуфт, Вашингтон мехоҳад, Украина интихоботро то охири соли ҷорӣ баргузор кунад, бахусус, агар созиши оташбас барои қатъи ҷанг ҳосил шавад.
Дмитро Литвин, ёвари Владимир Зеленский, раисҷумҳури Украина, гуфт, “ба ҷуз чанд иқтибос дар бораи интихобот, мусоҳибаи пурраи ҷаноби Келлогро надидем. Аз ин рӯ, баҳо додан ба мавқеи ӯ душвор аст."
"Аммо агар нақшааш фақат оташбас ва интихобот бошад, як тарҳи ноком аст. Путин аз ин ду чиз наметарсад", -- гуфт ӯ рӯзи 2-юми феврал ба Reuters.