Доналд Трамп, раисҷумҳури мунтахаби Амрико, гуфт, номзадии Кэш Пател, корманди собиқи амнияти миллӣ ва аз шахсони ба ӯ вафодорро ба раҳбарии FBI, Хадамоти Федеролии Амният, пешбарӣ хоҳад кард.
Пател қаблан ба унвони вакили мудофеи умумии федерол ва додситон кор кардааст.
Вай мехоҳад, FBI аз нақши ҷамъоварии маълумоти иктишофӣ маҳрум гашта, сафи он аз кормандоне, ки аз барномаи Трамп пуштибонӣ намекунанд, пок карда шавад.
Кэш Пател дар давраи аввали раёсатҷумҳурии Трамп чанд мақоми баландпоя дошт. Аз ҷумла, ӯ мушовири амнияти миллӣ ва раиси дафтари вазири дифои муваққат буд.
Доналд Трамп бо муаррифии Пател нишон дод, ки барои иҷрои таҳдидаш дар мавриди барканории Кристофер Рэй, раиси ҳозираи FBI, омода мешавад.
Кристофер Рэй, ки узви Ҳизби Ҷумҳурихоҳ аст, аз тарафи худи Трамп ба ин мақом таъйин шуда буд. Давраи даҳсолаи раёсаташ то соли 2027 идома хоҳад дошт.