Ӯ гуфтааст, ки Ромиш солҳои охир аз дарди дил азият мекашид ва дар шифохонаҳои Душанбе таҳти муроқибати табибон қарор дошт.
“Субҳи имрӯз хестанд, бо пайвандон суҳбат карда, гуфтанд, ки саломатиашон хуб нест. Гуфтанд, ки каме хоб мекунам. Пас аз чанд соат дар рахти хоб дар хона ҷон доданд”, - гуфтааст Диловар Шералӣ ба "Азия Плюс".
Ромиш писари дуюми Лоиқ Шералӣ буд ва дар нашриёти “Адиб” фаъолият кардааст.
Соли 2016 дар як мусоҳибаи ихтисосиаш бо Радиои Озодӣ ба муносибати зодрӯзи падар, Ромиш Шералӣ гуфта буд, ки дар сари таҳияи "Куллиёт"-и ашъори падар кор кардаву "то ҳадде, ки қувватам расид ва имкони таҳрир доштам, то андозае метавон гуфт, ҳамаи шеърҳояшро ворид кардам". Он замон ӯ аз идомаи кор дар самти ҷамъовариву нашри ашъори падар хабар дода буд.
Ба саволи ин ки оё бо падараш ифтихор мекунад, гуфта буд: "Албатта! Чаро ифтихор надошта бошам? Устод Лоиқ мояи ифтихори натанҳо ман, балки мояи ифтихори тамоми миллат аст."
Браузери шумо HTML5-ро намешиносад
Ҷамъомади ҳаводорони шеъри Лоиқ Шералӣ дар зодрӯзи адиби шаҳири тоҷик
ИНЧУНИН, БИХОНЕД:
Лоиқ намеояд дигар...Гуфтугӯи ихтисосӣ бо Ромиш - фарзанди шоири зиндаёд Лоиқ Шералӣ