Гурӯҳе аз сокинон дар канораи шаҳри Киев бо пулис ва сарбозони Горди миллии Украина даргир шудаанд.
Ин ҳодиса рӯзи 2-юми ноябр ва пас аз он сар зад, ки сокинон ба сарусадо дар бораи дар як таҳхона нигоҳ доштани чанд мард, аз ҷумла бархе аъзои Горди миллӣ, вокуниш нишон доданд.
Норозиён талаб карданд, ки онҳоро ба дохили хона роҳ диҳанд ва фарёд мезаданд, ки “мардумро шиканҷа мекунанд”.
Бархе ба болои мошини пулис баромада, чароғҳояшро шикастанд ва талош карданд, ки онро чаппа кунанд.
Пулиси зиддиошӯби Украина дар посух гази ашковар пошид.
Киев, Украина, 2-юми ноябри 2026
Кирило Буданов, мушовири аршади президенти Украина, ки пештар раҳбарии ниҳоди истихбороти низомии Украинаро бар уҳда дошт, аз эҳтимоли як тавтеаи густурдатаре сухан гуфт, вале ҷузъиёти онро ошкор накард.
"Ман дақиқ намедонам, ки ангеза чӣ буд. Аммо суол ин аст, ки кӣ барои ин пул медиҳад ва чаро. Ё шояд ангеза чизи комилан дигаре буд, чизе, ки бар зидди манфиатҳои давлат равона шудааст," - -афзуд ӯ.
Горди миллии Украина эълон кард, ки тафтишоти дохилиро шуруъ кардааст.