Ҷоизаи асосии мавсим ба капитан ё сарвони дастаи «Сипар»-и Хуҷанд Иқбол Воситзода тақдим гардид, ки беҳтарин бозигари Суперлига-2025 эътироф гардид.
Унвони беҳтарин мураббиро Пайрав Воҳидов соҳиб шуд, ки зери раҳбарии ӯ дастаи «Соро компания»-и Душавнбе дар Суперлигаи футзали Тоҷикистон ва Суперҷом ғолиб омад.
Ғолибон дар номинатсияҳои дигар низ дар ин маросим эълон гаштанд. Ба ғайр аз ин, дастаи рамзии Суперлигаи Тоҷикистон-2025 муаррифӣ шуд. Ҳамчунин сарпарастон, шарикон ва онҳое, ки дар рушд ва оммавияти футзал дар кишвар саҳми назаррас гузоштаанд, бо ҷоиза ва сипоснома қадрдонӣ шуданд.
Лауреатҳои Лигаи футзали Тоҷикистон-2025:
Беҳтарин бозигарони ҷавон – Панҷшер Давлатов (КМВА), Суннатулло Файзов («Соро компания», Душанбе).
Беҳтарин дарвозабони ҷавон – Қаюм Назаров (КМВА, Душанбе).
Ҷоизаи «Fair Play» –дастаи «Истиқлол»-и Душанбе.
Беҳтарин гурӯҳи доварон – Суҳроб Сатторов, Сафаралӣ Маҳмадизода, Абубакр Маҳмадов.
Беҳтарин легионер – Виера Де Са Фелиппе («Сипар», Хуҷанд).
Беҳтарин дарвозабон – Нуриддин Ҷабборов («Соро компания», Душанбе).
Беҳтарин нишонзан – Хусрав Холиқназаров («Сомон», Душанбе), 21 тӯб.
Беҳтарин мураббӣ – Пайрав Воҳидов («Соро компания», Душанбе).
Беҳтарин бозигар – Иқбол Воситзода («Сипар», Хуҷанд).