Иттиҳоди Аврупо дар солгарди севуми ҳамлаи Русия ба хоки Украина алайҳи Маскав таҳримҳои нав ҷорӣ кард.
Ба гузориши “Рейтерс”, ин тасмимро вазирони корҳои хориҷии Иттиҳоди Аврупо рӯзи 24-уми феврал гирифтанд.
Ин даври 16-уми таҳримҳои иқтисодӣ алайҳи Русия аст.
Дипломатҳои аврупоӣ ҳафтаи гузашта гуфта буданд, ки таҳримҳо воридоти алюминийи Русия ва бахшҳои дигар, аз ҷумла 73 киштиро ҳадаф қарор медиҳанд.
Гуфта мешавад, мақсад аз ин таҳримҳо маҳдуд кардани сарчашмаи даромади Русия ва суст кардани зарфиятҳои ҷангии он аст.
Ҳамлаи Русия ба Украина се сол пеш, 24-уми феврали соли 2022, оғоз шуд.