Неруҳои Русия шаби 19 ба 20-уми феврал ба шаҳри Херсони Украина ҳамла кардаанд. Волии вилоят гуфт, дар натиҷаи бархӯрди бомбҳои русӣ ба як баландошёна, чанд нафар азҷумла, як наврас захмдор шуд.
Роман Мрочко бо пахши наворе дар Телеграм гуфтааст, аз се бомби партобкардаи неруҳои Русия, якеаш ба баладошёнае дар маркази Херсон бархӯрд. Дар наворҳо дида мешавад, ки як қисмати бино пурра хароб шудааст.
Ба гуфтаи мақомоти Украина, наҷотдиҳандагон тамоми шаб маҷруҳонро аз зери харобаҳо берун оварданд. Дастикам як навраси 13-сола ва се нафари дигар ҷароҳат гирифтаанд.
Дар ҳамин ҳол артиши Русия ду рӯз аст, ки бо бесарнишинҳо ба вилояти Одесса ҳамла мекунанд. Олег Кипер, волии вилоят гуфтааст, як нафар маҷруҳ шуд.
Ҳамчунин дар пайи ҳамлаи бесарнишинҳо қариб 5 ҳазор кас аз нерӯи барқ маҳрум шудаанд.