Шоми 10-уми январ вилояти Воронежи Русия ҳадафи ҳамлаи паҳпод ё ҳавопаймоҳои бесарнишини Украина қарор гирифт.
Мақомоти вилоят гуфтанд, дар натиҷаи таркиши як паҳпод 5 хона зарар дидааст. Шоҳидон аз 25 таркиш дар гӯшаҳои Воронеж хабар доданд.
Александр Гусев, волии Воронеж хабар додааст, ки дар пайи ин ҳамлаҳо 2 нафар захмӣ шудаанд.
Ба навиштаи телеграм-канали "База", дар пайи ҳамлаи паҳподҳо чор нафар бо ҷароҳатҳои гуногун дар бемористон бистарӣ шуданд. Вазъи ду нафари онҳо вазнин гуфта мешавад.