Як зодаи Тоҷикистон, ки ҳамзамон шиносномаи Русияро дошт, ба иттиҳоми саркашӣ аз хидмат аз шаҳрвандии ин кишвар маҳрум карда шудааст.
Аз ин муҳоҷири 23-солаи тоҷик ном бурда намешавад.
Додгоҳи Скопини вилояти Рязан хабар дод, ки зодаи Тоҷикистон рӯзи 6-уми майи соли 2022 шиносномаи Русия гирифтааст.
Хабаргузории давлатии "РИА Новости" рӯзи 4-уми апрел навишт, "синни ин шаҳрванди Тоҷикистон барои хидмат дар артиш мувофиқ буд, вале бе сабаб дар комиссариат ҳозир нашуд".
Назари ин зодаи Тоҷикистон маълум нест.
Бар асоси қарори додгоҳ, ӯ дар рӯзҳои наздик ба Тоҷикистон фиристода хоҳад шуд.