Додгоҳе дар Чимкенти Қазоқистон рӯзи 18-уми май Серик Жаналиевро ба қатли ҳамсараш гунаҳкор шинохт ва 9 сол зиндонӣ кард.
Жаналиев дар суҳбат ба расонаҳо гуфт, гуноҳро намепазирад ва бо ҳукми додгоҳ розӣ нест.
Ба иттилои додгоҳ, Жаналиев ва ҳамсараш Сагида Байменова моҳи июни соли 2022 издивоҷ карда, ҳамон шаби миёни ин ҷуфт ҷанҷол бархост.
"Жаналиев Байменоваро латукӯб кардааст. Пас аз он Байменова фавтид," -- гуфтанд дар додгоҳ.
Хушунати хонаводагӣ яке аз мушкилоти умдаи ҷомеаи Қазоқистон ба шумор меравад. Бино ба омор, бисёре аз занон дар Қазоқистон аз тарафи ҳамсарон ва ё ҳамхонаҳои худ хушунат мебинанд.
Пулиси Қазоқистон ҳар сол дар мавриди хушунат нисбат ба занон бештар аз 100 ҳазор шикоят мегирад.