Пас аз шаш моҳи иқомат дар фазо ду шаҳрванди Амрико, як рус ва як фазонаварди ҷопонӣ бо капсули ширкати хусусии SpaceX рӯзи шанбе истгоҳи фазоии байнулмилалиро тарк карданд.
НАСА ё Идораи таҳқиқоти фазоии Иёлоти Муттаҳидаи Амрико гуфт, фазонавардон 12-уми март ба соҳилҳои иёлати Флорида ба замин хоҳанд расид.
Ба иттилои хабаргузории dpa-и Олмон, баргашти фазонавардон ба замин чанд бор ба таъхир уфтода буд.
Онҳо дар моҳи октябри соли гузашта аз қаламрави Амрико ба фазо рафта буданд.