Ҷаъфар Паноҳӣ, филмбардори зиндонӣ дар Эрон, гуфт, ки гуруснанишинӣ мекунад.
Вай тасмимашро "эътироз ба рафтори ғайриқонунӣ ва ғайриинсонии низоми адлияи Эрон" номидааст.
Коргардони 62-соларо дар моҳи июли соли гузашта боздошту зиндонӣ карданд.
Паноҳӣ дар изҳороте, ки матнашро ҳамсару писараш дар Инстаграм гузоштанд, гуфтааст: “То замони озод шудан аз ғизову об даст мекашам.”
Паноҳӣ дар авҷи саркӯби норозиёни режими Ҷумҳурии Исломӣ, ки аз шаротии зист эътироз мекарданд, ба ҳабс гирифта шуд.