Узбекистон омода аст, ҳамаи маҳдудиятҳои тиҷориро дар доираи Иттиҳоди давлатҳои мустақил бекор кунад. Дар ин бора президенти Узбекистон Шавкат Мирзиёев рӯзи 14-уми октябр дар шаҳри Остонаи Қазоқистон хабар дод.
"Бояд монеаҳои тиҷорӣ бардошта шаванд. Мо борҳо дар ин мавзуъ суҳбат кардем. Замони амал кардан расид", - гуфт Мирзиёев.
Вай ҳамчунин ба кишварҳои узви ИДМ пешниҳод кард, ки дар давлатҳои худ ба масъулон дастур диҳанд, давоми як моҳ барои рушди тиҷорати мутақобил чораҳои мушаххасро коркард кунанд.