Ширкати роҳи оҳани Узбекистон эълом кардааст, ки аз 2-юми майи имсол дар масири "Алмато-2 - Тошканд - Алмато-2" қатораҳо дубора ба ҳаракат медароянд.
Қатораҳои ширкати роҳи оҳани Қазоқистон дар ин масир ҳафтае се бор, душанбе, чоршанбе ва ҷумъа аз истгоҳи "Алмато-2" ба самти Тошканд ҳаракат хоҳанд кард. Қатора аз истгоҳи "Тошканд-Марказӣ" ба самти Қазоқистон рӯзҳои сешанбе, панҷшанбе ва якшанбе ҳаракат мекунад.
Қаблан хабар дода шуд, ки дар масири "Нукус (Узбекистон) - Бейнеу (Қазоқистон) - Нукус" низ қатораҳо ба ҳаракат медароянд.
Ширкати роҳи оҳани Узбекистон афзудааст, ки ҳаракати қатораҳо бо кишварҳои дигар низ ба тадриҷ роҳандозӣ мешавад.