Конфедератсияи футболи Осиё тақвими бозиҳои мусобиқаи асосии бошгоҳии қора - Лигаи қаҳрамонҳои AFC-2021-ро, ки дар он қаҳрамони Тоҷикистон - "Истиқлол"-и Душанбе низ ширкат меварзад, эълон кард.
Тибқи натиҷаҳои қуръакашии марҳилаи гурӯҳии мусобиқа, ки рӯзи 27-уми январ доир гардид, "Истиқлол" ба гурӯҳи "А" ворид шуд. Қаҳрамони Тоҷикистон дар ин гурӯҳ бо бошгоҳҳои "Ал-Ҳилол" (Арабистони Саудӣ), "Шабоб Ал-Аҳлӣ Дубай” (Имороти Муттаҳидаи Арабӣ), инчунин ғолиби ҷуфти плей-офф "Ал-Ғарафа" (Қатар) - АГМК (Узбекистон) рақобат хоҳад кард.
Дар марҳилаи гурӯҳии Лигаи қаҳрамонҳои АFC-2021 “Истиқлол” шаш бозӣ анҷом медиҳад. Дар бозии аввалини худ дар марҳилаи гурӯҳии мусобиқа "Истиқлол" рӯзи 15-уми апрел бо қаҳрамони Имороти Муттаҳидаи Арабӣ - бошгоҳи "Шабоб Ал-Аҳлӣ Дубай" рӯбарӯ мешавад.
Виталий Левченко, сармураббии «Истиқлол», натиҷаҳои қуръакашии марҳилаи гурӯҳии Лигаи қаҳрамонҳои AFC-2021-ро шарҳ дод. Ӯ гуфт, "Лигаи қаҳрамонҳо барои мо як даъвати нав аст, мехоҳем натиҷаҳои баландро ба даст орем ва мухлисони худро бо ҳар бозӣ шод гардонем."
Тибқи натиҷаҳои қуръакашии марҳилаи гурӯҳии Лигаи қаҳрамонҳои AFC-2021 даҳ гурӯҳ ташкил шуд. Даври гурӯҳии мусобиқаи асосии бошгоҳии Осиё дар минтақаи Ғарбӣ аз 14-ум то 30-юми апрел ва дар минтақаи Шарқӣ аз 21-уми апрел то 7-уми май дар шакли мутамарказ баргузор мешавад.
Бар асоси низомномаи мусобиқа, аз рӯи натиҷаҳои марҳилаи гурӯҳӣ ғолибони панҷ гурӯҳ дар ҳар як минтақа ба даври 1/8 финалии Лигаи
қаҳрамонҳои AFC-2021, инчунин се дастае, ки дар гурӯҳҳои худ ҷойҳои дувумро бо нишондодҳои хубтар ишғол мекунанд, роҳхат мегиранд.
Лигаи қаҳрамонҳои АFC-2021
Минтақаи Ғарбӣ
Гурӯҳи «А»
«Ал-Ҳилол» (Арабистони Саудӣ)
«Шабоб Ал-Аҳлӣ Дубай» (Иморот)
«Истиқлол» (Тоҷикистон)
Ғолиби ҷуфти плей-офф «Ал-Ғарафа» (Қатар)/АГМК (Узбекистон).
Даври 1-ум
15-уми апрел (панҷшанбе)
«Ал-Ҳилол» (Арабистони Саудӣ) – Ғолиби ҷуфти плей-офф «Ал-Ғарафа» (Қатар)/АГМК (Узбекистон)
«Истиқлол» (Тоҷикистон) – «Шабоб Ал-Аҳлӣ Дубай» (Иморот)
Даври 2-юм
18-уми апрел (якшанбе)
Ғолиби ҷуфти плей-офф «Ал-Ғарафа» (Қатар)/АГМК (Узбекистон) – «Истиқлол» (Тоҷикистон)
«Шабоб Ал-Аҳлӣ Дубай» (Иморот) – «Ал-Ҳилол» (Арабистони Саудӣ)
Даври 3-юм
21-уми апрел (чоршанбе)
Ғолиби ҷуфти плей-офф «Ал-Ғарафа» (Қатар)/АГМК (Узбекистон) – «Шабоб Ал-Аҳлӣ Дубай» (Иморот)
«Ал-Ҳилол» (Арабистони Саудӣ) – «Истиқлол» (Тоҷикистон)
Даври 4-ум
24-уми апрел (шанбе)
«Шабоб Ал-Аҳлӣ Дубай» (Иморот) – Ғолиби ҷуфти плей-офф «Ал-Ғарафа» (Қатар)/АГМК (Узбекистон)
«Истиқлол» (Тоҷикистон) – «Ал-Ҳилол» (Арабистони Саудӣ)
Даври 5-ум
27-уми апрел (сешанбе)
Ғолиби ҷуфти плей-офф «Ал-Ғарафа» (Қатар)/АГМК (Узбекистон) – «Ал-Ҳилол» (Арабистони Саудӣ)
«Шабоб Ал-Аҳлӣ Дубай» (Иморот) – «Истиқлол» (Тоҷикистон)
Даври 6-ум
30-юми апрел (ҷумъа)
«Ал-Ҳилол» (Арабистони Саудӣ) – «Шабоб Ал-Аҳлӣ Дубай» (Иморот)
«Истиқлол» (Тоҷикистон) – Ғолиби ҷуфти плей-офф «Ал-Ғарафа» (Қатар)/АГМК (Узбекистон)