Доналд Трамп, президенти Амрико мегӯяд, дар бораи даъвати Владимир Путин, президенти Русия барои ширкат дар ҷашни бахшида ба пирӯзӣ ба Олмони нозӣ дар соли 1945 фикр мекунад.
9-уми май ҳамчун рӯзи пирӯзӣ ба Олмони нозӣ таҷлил мешавад.
Доналд Трамп гуфтааст, ки 9-уми майи соли оянда авҷи маъракаи интихоботи дар Амрико аст, аз ин рӯ, ҳанӯз тасмим нагирифтааст, дар ин ҷашн иштирок кунад ё на.
Ӯ гуфтааст, ки агар аз ҳоло имкон медошт, даъватро қабул мекард.
Дмитрий Песков, сухангӯи Крмел низ гуфтааст, ҳанӯз аз Вашингтон дар ин маврид посухе дастрас накардаанд.
Рӯзи 9-уми майи соли 1945 Олмони фошистӣ дар ҷанг мағлуб шуд. Иттиҳоди Шӯравӣ, ки Русия худро меросбари он мехонад, яке аз ғолибони калидии ин ҷанг буд.