Гуайдо аз марги ду эътирозгар дар Венесуэла хабар дод

Роҳбари мухолифон ва раиси порлумони Венесуэла Хуан Гуайдо гуфт, ки дар даргириҳо бо мақомоти ҳифзи ҳуқуқ ду эътирозгар - ҷавондухтари 27-сола ва ҷавонписари 24-сола кушта шуданд.

"Ин кор бояд қатъ шавад ва қотилон бояд масъулияти амалҳояшонро эътироф кунанд. Ман зиндагиамро дар гарав мегузорам", - навишт Гайдо дар Твиттер.

Хабаргузории Reuters иттилоъ дод, ки эътирозҳои 1-уми май дар Каракас аз тарси мақомоти интизомӣ хомӯш шуданд ва артиш ҳамоно аз Мадуро ҳимоят мекунад.

Ахиран Гуайдо хабар дод, ки "марҳилаи ниҳоӣ"-и маъракаи барканории президент Николас Мадуроро шуруъ кардааст. Вай аз сокинони Венесуэла даъват кард, ки ба эътирозҳои кӯчагӣ бипайванданд.