Мақомоти Ироқ мегӯянд, ки як ҳавопаймои низомии Амрико иштибоҳан ба ҳамоиши размандагони қабилаӣ ва ғайринизомиён дар вилояти шимолии Анбор тир андохта ва дасти кам 7 нафарро куштааст.
Ба гуфтаи мақомот, 11 нафари дигар ба шумули як мансабдори ноҳиявӣ дар ҳамла рӯзи 27-уми январ дар ноҳияи Ал-Бағдодӣ захмӣ шудаанд. Ба гузориши хабаргузории Ассосиеэйтед Пресс, ду фармондеҳи баландрутбаи ироқӣ гуфтаанд, ки нерӯҳои Амрико қурбониёнро ҷангҷӯён пиндошта ҳадаф гирифтаанд.
Эътилофи ба раҳбарии Амрико се сол аст ба ҳукумати Ироқ дар ҷанг ба зидди гурӯҳи ба ном Давлати исломӣ кӯмак мекунад.