Дар қароргоҳи САҲА дар шаҳри Вена нишасти дурӯзаи намояндагони васоити ахбори умум дар мавзӯи “Озодии матбуот дар муҳити бесубот” ("Media Freedom in Volatile Environments") шурӯъ ба кор кард.
Дар нишасте, ки рӯзҳои 19 ва 20 июн идома мекунад, масоили озодии баён ва фаъолияти расонаҳо дар ҷомеаи кишварҳои узви САҲА, мушкилоти пешорӯи матбуот дар шароити бӯҳронии сиёсӣ баҳс мешавад. Яке аз масоили мавриди баҳс - муқаррароти доштани аккредитатсия ва ё муҷаввизи кори журналистӣ мебошад. Дар ин нишаст гурӯҳе аз рӯзноманигорони тоҷик низ иштирок доранд.