Кумитаи назорат ва ахлоқи Федеросиюни футболи Тоҷикистон дар пайи баррасии ҷанҷоли бархоста дар бозии мусобиқоти лигаи аввали футболи Тоҷикистон (ФФТ) байни тимҳои «Ҳулбук»-и Восеъ ва «Ҳосилот»-и Фархор, ки рӯзи 10 июл дар варзишгоҳи ба номи Тешаеви ноҳияи Восеъ доир шуд, тими «Ҳосилот»-ро барои тарки худсаронаи майдон 1500 сомонӣ ҷарима баста, натиҷаи бозиро низ бо ҳисоби фаннии 3:0 ба фоидаи «Ҳулбук» ҳукм кард. Сафар Каримов, раиси ин кумитаи ФФТ ба Радиои Озодӣ гуфт, футболбозони «Ҳосилот» голи задаи мизбонон дар дақиқаи 81-уми ин бозиро ҳаром шумурда, доварро зада, намоишкорона тарки майдон карданд.
Сафар Каримов гуфт, кумитаи ахлоқ рафтори се бозигари муҷрим дар латукӯби доваронро алоҳида баррасӣ хоҳад кард.
Сафар Каримов гуфт, кумитаи ахлоқ рафтори се бозигари муҷрим дар латукӯби доваронро алоҳида баррасӣ хоҳад кард.