Вазорати корҳои хориҷии Амрико мегӯяд, мавзеъгирии кишвараш ҳамоно ҷиддист ва Муаммар Қаззофӣ-раҳбари Либия баъд аз 41 соли ҳокимият бояд аз раҳбарӣ канор равад. Рӯзи якшанбе вазири дифои Фаронса дар Порис гуфт, ҳоло вақти он расидааст, ки ҷонибдорони Қаззофӣ ва шӯришиён паси як мизи гирд бинишинанд ва роҳи мусолиҳаи сиёсиро пайдо кунанд, зеро “роҳи ҳал бо зӯри ниру вуҷуд надорад”. Пештар шӯришиён мегуфтанд, ки қабл аз оғози ҳар гуна музокирот бояд Муаммар Қаззофӣ аз мақомаш истеъфо диҳад.
