Ширкати “ТоҷикЭйр” мехоҳад парвози ҳавопаймоҳояш дар масири ҷадиди Душанбе-Киевро ба роҳ монад. Созишномаи байнидавлатӣ бо Украина дар ин замина ба имзо расида, ва мақомоти ширкат феълан ҷузъиёти фаннии қарордодро бо масъулини фурудгоҳи “Бориспол”-и Киев ҳаллуфасл мекунанд. Намояндагони “ТоҷикЭйр” дар сӯҳбат бо “Азия Плюс” изҳори умед кардаанд, ки парвозҳо байни пойтахтҳои Тоҷикистону Украина ба зудӣ оғоз хоҳад шуд.
