Имрӯз дар Душанбе иҷлоси ҳаштуми кумитаи муштараки ИА ва Тоҷикистон оғоз ба кор кард. Виктор Мандоналдо, як масъули ИА гуфт, ин созмон аз таъсире, ки бӯҳрони саросарии молӣ дар Осиёи Марказӣ аз худ бар ҷой гузоштааст, нигарон аст ва ба ин далел мехоҳад ҳаҷми кӯмакҳояш ба ин минтақа, аз ҷумла ба Тоҷикистонро то 2 маротиба биафзояд. Кӯмакҳои ИА ба Тоҷикистон аз соли 1992 ба ин сӯ тақрибан ним миллиард долларро ташкил додааст.
