Берлин он вақт ва ҳоло (Инфографика\Аксгардон)
Аз Ҷанги Ҷаҳонии Дувум дар Аврупо 70 сол гузашт. Ҳукумати Олмон бъад аз паҳн шудани даргириҳо дар Берлин созишномаи таслим ва халъи силоҳи беқайду шартро имзо кард. Дар ин байн ҳамроҳ бо биноҳои маъмурӣ наздик ба 600 000 манзил дар ин ҷо тахриб шуд. Харобаҳои Берлин, ба вижа дар масири Девори Берлин то солҳои охир дида мешуд. Аммо сар аз соли 1990, баъд аз ваҳдати ду Олмон бозсозии шаҳр вусъат ёфт ва ҳоло бисёре аз бахшҳои онро наметавон шинохт. Барои аксгардон аз тирча истифода кунед.
Ба иллати ҳамсоягиаш бо Девори Берлин машҳуртарин рамзи Берлин -- Дарвозаҳои Бранденбург дар давраи Ҷанги Сард ҳамоно харобазор буд ва танҳо солҳои 2000 то 2002 бозсозӣ шуд.
Сарбозони Артиши Сурх дар назди Рейхстаг, ки 30 апрели 1945 макони ҷангҳои хона ба хонаи шадид буд, акс гирифтаанд. Ҳоло он бинои порлумони Олмон аст ва гунбади машҳури шишагии Норман Фостер ҷаҳонгардонро ба худ мекашад.
Калисои ёдгори қайсар Вилгелм яке аз чанд бинои Берлин аст, ки ҳанӯз захми ҷангро дар баданаи худ дорад. Пайи бомбаборони соли 1942 амдан ҳамчун нишонаи ҷанг нигоҳ дошта шуд.
Манзараи дигари Рейхстаг. Дар дохил меҳмонон ҳамоно навиштаҳои соли 1945-и нерӯҳои шӯравиро дида метавонанд.
Александрплатс, яке аз марказҳои ҳаёти шабонаи Берлин дар солҳои 1920 дар ҷанг вайрона шуда буд. Он дар солҳои 1960 ҳамчун намунае дар Берлини Шарқӣ бозсозӣ ва дар тарафи чапаш мавҷгири телевизион сохта шуд.
Шоир ва хабарнигори ҳарбӣ Василий Захарченко (рост) 16 майи соли 1945 бо афсари шӯравӣ сӯҳбат мекунад. Дар ҳамин ҷо 24 апрели соли 2015 ронанадаи рикша Клементс интизори муштариён аст. Меҳмонсарои “Адлон” дар пасманзар соли 1945 харобазор буд ва дар соли 1997 аз нав сохта шуд.