Пайвандҳои дастрасӣ

Сокинони ноҳияи Исфара рӯзи якшанбеи 23-юми март ҷашни Наврӯзро бо ширкати меҳмонон аз вилояти Бодканди Қирғизистон таҷлил карданд.

Масъулони дафтари матбуоти ҳукумати ноҳияи Исфара, рӯзи 24-уми март дар сӯҳбат бо Радиои Озодӣ гуфтанд, ки "бо вуҷуди резиши борон ҷашни Наврӯз бо ҳузури меҳмонон дар маркази шаҳри Исфара бо шукуҳу шаҳомат ва одоби ҳамсоядории тоҷикону қирғизҳо баргузор гардид."

Ба гуфтаи ин масъулон ҳайти меҳмонони боткандиро Оқмирзо Тағоев, муовини раиси ҳукумтаи Бодканд раҳбарӣ карда ва дар ин ҳайат масъулони ҳукумати Бодканд ва ҷамоати Самарқандак, ки бо Исфара ҳаммарз мебошанд, ширкат намуданд.

Оқмирзо Тағоев, муовини раиси ҳукумати Бодканд зимни истиқбол аз ширкат дар базми наврӯзии тоҷикон, онҳоро ба ин муносибат табрик намуда ва ба намояндагони ҳукумати Исфара туҳфаҳои наврузӣ тақдим кардааст. Дар миёни туҳфаҳои бодкандиҳо, акси бузурги гулҳои наврӯзӣ ва ҳамчунин ҷомаву миёнбандҳо будааст, ки рамзи дӯстиву бародарӣ ва ҳамсоядорӣ арзёбӣ гардидааст.

Зимнан, рӯзи 21-уми март як ҳайати тоҷикон барои ширкат дар ҷашни Наврӯз ба Бодкан рафта буданд. Ҳайати тоҷикон дар Наврӯзи ҳамсоякишвар бо худ тӯҳфаҳо ҳамчун дастовез бурда буданд.

Ин ҳам дар ҳоле, ки Шералӣ Хайруллоев, ёвари раиси ҷумҳури Тоҷикистон ва раҳбари гурӯҳи корӣ роҷеъ ба масоили марзӣ низ дар паёми табрикиаш ба муносибати таҷлил наврӯзи бостонӣ мардумро ба ҳамсоядорӣ ва дӯстию бародарӣ даъват карда, хоҳони зиндагии мусолиматомез ва бо суботу ороми тоҷикону қирғизҳо шудааст.

Дар ҳамин ҳол Тоқон Мамитов, муовини сарвазири Қирғизистон ба расонаҳои хабарии ин кишвар, аз қавли сокинони деҳоти марзии Қирғизистон гуфтааст, онҳо мехоҳанд ба зудтарин фурсат масъалаи ташхис ва аломатгузории марз ҳалли худро пайдо кунад.

Тавре ҷаноби Мамитов зикр кардааст, мардуми деҳаи Тоштумшук бар инанд, ки қитъаи заминеро ки ҷониби Тоҷикистон талаб дорад, зуд иваз кунанд ва ба баҳси марзӣ хотима дода шавад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG