Пайвандҳои дастрасӣ

Эмомалӣ Раҳмон барои ширкат дар саммити СҲШ ба Остона рафт


Эмомалӣ Раҳмон, раиси ҷумҳури Тоҷикистон қабл аз зуҳри 8-уми июн дар раъси як ҳайати баландпоя ҷиҳати ширкат дар ҳафтдаҳумин нишасти сарони кишварҳои узви Созмони Ҳамкориҳои Шанхай, ба Остона -- пойтахти Қазоқистон сафар кард.

Ба иттилои дафтари раёсати ҷумҳури Тоҷикистон, дар ин сафар Эмомалӣ Раҳмонро вазири умури хориҷӣ Сироҷиддин Аслов, ёвари президент дар умури равобити байналмилалӣ Аъзамшоҳ Шарифӣ, вазири энержӣ ва захираҳои об Усмоналӣ Усмонзода, вазири фарҳанг Шамсиддин Орумбекзода, раиси Кумитаи давлатии амнияти миллӣ Саймӯмин Ятимов ва дигарон, ҳамроҳӣ мекунанд.

Дар хабарномаи дафтари матбуоти раёсати ҷумҳури Тоҷикистон роҷеъ ба барномаи сафари Эмомалӣ Раҳмон шарҳи бештаре дода нашудааст. Вале интизор меравад, ки раиси ҷумҳури Тоҷикистон дар ин нишаст суханронӣ намояд ва дар ҳошияи ин симмат, бо бо сарони бархе аз кишварҳои узви ин созмон мулоқоту гуфтугӯ кунад.

Нурсултон Назарбоев, президенти Қазоқистон қаблан гуфта буд, ки дар саммити Созмони ҳамкориҳои Шанхай (СҲШ) интизор меравад, Ҳиндустону Покистон ба ҳайси узви комилҳуқуқи созмони мазкур пазируфта шаванд. Дар саммити СҲШ дар Тошканд моҳи июни соли 2016 президенти Русия Владимир Путин гуфт, умедвор аст, Ҳиндустону Покистон дар саммити навбатии СҲШ узви комилҳуқуқи ин созмон хоҳанд шуд.

СҲШ соли 2001 таъсис шуда ва дар ҳоли ҳозир Тоҷикистон, Қазоқистон, Қирғизистон, Узбакистон ва Чину Русия узви ин созмон ҳастанд. Чанд кишвари дигар, аз ҷумла Ҳиндустон, Покистон ва Эрон мақоми нозирро соҳибанд. Саммити Созмони Ҳамкориҳои Шанхай дар Остона имрӯз, 8-уми июн оғоз мешавад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG