Мақомоти Узбекистон ба як гуруҳ аз шаҳрвандони Тоҷикистон, ки ҳангоми бозгашт аз Русия дар марзи Қазоқистону Узбекистон дармонда буданд, иҷозаи гузаштан додаанд. Муҳоҷирон гуфтанд, баъд аз 17 соати интизорӣ аз сарҳади Қазоқистон ба қаламрави Узбекистон ворид шаванд. Узбекистон баъди сабт шудани ҳолатҳои гирифторӣ ба коронавирус марзҳояшро баст ва убуру мурури шаҳрвандони хориҷиро қатъ кард. Муҳоҷирон мегӯянд, аз тасмими Тошканд хабар надоштанд.
Парвиз, яке аз муҳоҷирони бандмондаи тоҷик, шоми 16-уми март ба Радиои Озодӣ гуфт, ҳоло дар ҳудуди Узбекистон мошинҳои онҳоро тафтиш доранд.
Мақомоти Вазорати корҳои хориҷии Тоҷикистон низ бегоҳи 16-уми март кушода шудани роҳи муҳоҷирони бандмондаи тоҷикро тасдиқ карданд.
Дафтари матбуотии ВКХ дар як шарҳи кӯтоҳ ба Радиои Озодӣ гуфт: "Ба шаҳрвандоне, ки дар назди марз дармонда буданд, иҷоза шуд, ки гузаранд." Вале маълум нест, ки иҷозаи мақомоти Узбекистон барои убури шаҳрвандони Тоҷикистон аз хоки ин кишвар якдафъаина аст, ё доимӣ.
Ин видеоро муҳоҷирон пеш аз боз шудани роҳ фиристоданд:
Қаблан мақомоти Вазорати корҳои хориҷии Тоҷикистон гуфта буданд, барои кушодани роҳи шаҳрвандони кишвар, ки дар марзи Қазоқистону Узбекистон истодаанд, бо мақомоти ду кишвар гуфтугӯ доранд.
Дар айни замон вазорат аз сокинон хостааст, ки аз сафар ба Қазоқистону Узбекистон, аз ҷумла сафарҳои транзитӣ дар ҳоли ҳозир худдорӣ намоянд.
Узбекистон яке аз масирҳои муҳим барои расидани муҳоҷирони тоҷик ба Русия аст. Шаҳрвандони Тоҷикистон ин роҳро ҳам арзон ва ҳам наздик мегӯянд.
Даҳҳо шаҳрванди Тоҷикистон нимашаби 16-уми март ҳангоми бозгашт аз Русия ба ватан дар гузаргоҳи Навоии Узбекистон дармонданд. Онҳо дар суҳбат бо Радиои Озодӣ шумораашонро беш аз сад нафар гуфтанд, ки дар миёнашон занону кӯдакон ҳам ҳастанд.
Мақомоти Узбекистон рӯзи 15-уми март нахустин ҳолати гирифтор шудани як шаҳрванди ин кишвар ба КОВИД-19-ро тасдиқ карданд.
Дар пайи ин Абдулло Орифов, сарвазири Узбекистон зимни як нишасти кӯтоҳи хабарӣ гуфт, аз рӯзи душанбе иртиботи ҳавоӣ ва заминӣ бо кишварҳои дигар ва вуруди хориҷиҳо ба Узбекистон ва сафари шаҳрвандони ин кишвар ба хориҷ манъ карда мешавад. Ҳаракати қатори роҳи оҳан баъди се рӯз қатъ мегардад.
Тухфа ба Нури бахшида ба 25 солагии истикрори сулх.
Радиои Озоди, хамин мавзухои кухна чи лозим? Мардум Сталин кист намедонанд, шумо репрессияхои сталиниро мекобед. Шахсан барои ман хокимияти совети на бад аст на хуб. Ягон бадбини надорам ман. Ба гузашта салавот. Гузаштагои нохак катл шуда чояшон чаннату рузашон шод бод. Мо танхо дуо мекунем халос. Дигар хеч чиз аз дастамон намеояд. Падари бобоям ва падари бибиям хардуяшонро шабона аз хона бурда, беному нишон гум шудаанд. Лекин худоразматии бобоям як чевон дошт, даруни чевон як ситора ва сурати сталин буд. Хурд будам, пурсида будам: бобо ин портрет барои чи дар чевон аст, магар сталин падаратонро катл накардааст??? Русхо душмани мо не??? Бобоям гуфта буданд: падарамро русхо не, точикони бахилу бесаводу бехунар, бо тухмату дуруг зери панчара кардаанд. Агар рус душман мебуд, ин хамаи фарзандони манро як кадам ба донишгохои совети рох намедод. Ба гузашта салавод, чони бобо. Аз паи оянда шаву, аз буззу бехунару бесаводони кутохакл дуртар гард гуфта бадаанд.
Хукумат эьтимоди худро дар байни мардум тамоман аз даст додааст ва мехоханд барои нигох доштанти хукумати оилави аз тарсу шиканча истифода кунад. Офтобро костюми президент пушонидан гайриимкон хам
Ахсан ба Икболи Лохури! Бисёр мехохам дар мавзухои дигар хам шарххо бо истифода эчодиёти Мухаммадикболи Лохури бинависи ва дигарон аз он бахра баранд. Аз ОЗОДИ хам хохиш дорам дар бораи Мухаммадикболи Лохури барномаеро пешкаш намояд.
Коммунистони Кремл халқи тоҷикро 70-сол мағзшӯӣ карданд, ки дин бад аст, дин афюни халқ аст, дин фалон асту фалон аст, нурӣ дар як шаб хост ин халқи 70-соларо ба низоми исломӣ мутобиқ кунад, он ҳам бо зӯри силоҳ хок бар. Сангаку ғайри сангак, ки ба гуфтаи худашон “нону намаки коммунизм”-ро хӯрда буданд, ба хашм омаданд, онҳо ҳам бо силоҳ муқобилият карданд. Елтсину Каримов ба оташ равған рехтанд, КГБ-и коммунистӣ ҷангро мудирият кард, 300-ҳазор нафар, аз ҷумла занону кӯдакон кушта шуданд, садҳо ҳазор гуреза, шаҳру деҳот хунолӯд, 100-миллиард сомонӣ зарари моддӣ, иқтисод касоду мақомот фалаҷ, мотам андар мотам. Имрӯз ҳам кабирӣ мехоҳад низоми “исломӣ”-ро, ки решааш аз теҳрон об мехӯрад, ба сари халқи тоҷик таҳмил диҳад. Ин шабу рӯз бубинед, ки халқи эрон (низоми “исломӣ”) чӣ ҳолу аҳвол доранд?!