Пайвандҳои дастрасӣ

Хабари нав

Ду медали тиллои паҳлавони тоҷик дар Амрико. ВИДЕО


Хушбахт Қурбонмамадов.

Варзишгари тоҷик Хушбахт Қурбонмамадов дар мусобиқаи байналмилалии ҷудо "Garden State Judo Classic", ки 29-уми январ дар иёлати Ню Ҷерсии Иёлоти Муттаҳидаи Амрико баргузор шуд, ду медали тилло ба даст овард. Вай дар вазни то 66 кило дар ҳамаи панҷ қувваозмоӣ мақоми аввалро касб карда, бо медали тилло сарфароз гашт. Инчунин, Хушбахт дар ин мусобиқа дар вазни то 73 кило бар чаҳор рақибаш пирӯзӣ ба даст овард ва бо медали тилло мукофотонида шуд.

Ёдовар мешавем, Хушбахт Қурбонмамадови 23-сола моҳи декабри соли гузашта дар се мусобиқаи гуштии ҷудо дар Иёлоти Муттаҳидаи Амрико шаш медал – ду тилло ва чор биринҷӣ - ба даст оварда буд.

Варзишгари тоҷик Амрикоро намояндагӣ мекунад
лутфан мунтазир бошед

Феълан кор намекунад

0:00 0:04:14 0:00

Вай нахуст дар мусобиқаи “The Big Apple Judo Classic-2016” дар Ню-Йорк дар вазни то 66 кг мақоми аввалро касб карда, бо медали тилло сарфароз гашт. Инчунин Хушбахт дар вазни то 73 кг бо медали биринҷӣ мукофотонида шуд.

Баъдан Қурбонмамадов дар мусобиқаи дигар "51-st Annual Dallas invitational Judo", ки дар Техаси ИМА барпо гардид, барои ҷойи севум медали биринҷӣ гирифт.

Варзишгари тоҷик дар мусобиқаи "18-th Annual Northeastern Judo Championships" , ки дар иёлати Ню Ҷерсии ИМА доир шуд, боз соҳиби се медал гардид. Ӯ дар вазни то 66 кг барандаи медали тилло шуд, дар вазнҳои то 73 кг ва то 100 кг медалҳои биринҷӣ гирифт.

Паҳлавони тоҷик Хушбахт Қурбонмамадов таҳти раҳбарии мураббии маъруфи русиягӣ Владимир Елчанинов, ки пештар барандаи медали биринҷии Олимпиадаи Пекин-2008 Расул Боқиевро машқ медод ва ҳоло устоди қаҳрамони Осиё Комроншоҳи Устопириён мебошад, тамрин мекунад.

Шарҳҳоро бинед (4)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG