Пайвандҳои дастрасӣ

Хабари нав

Натоиҷи бозиҳои аввали 1/8-ниҳоии Ҷоми Тоҷикистон


Рӯзи 27-уми август бозиҳои аввали ҳаштякниҳоии Ҷоми Тоҷикистон-2014 оид ба футбол баргузор шуданд.

Бозиҳои аввали ҳаштякниҳоии Ҷоми футболи Тоҷикистон-2014 бо ширкати 9 дастаи лигаи олӣ ва 5 дастаи лигаи аввал рӯзи чоршанбеи 27-уми август баргузор шуданд. Аз ҳафт бозӣ дар сетоаш мизбонон ва дар яктоаш меҳмонон ғалаба карданд. Се бозӣ бо ҳисоби мусовӣ хотима ёфт.

«Истиқлол»-и Душанбе дар майдони худ «Хуҷанд»-и Хуҷандро бо ҳисоби бузурги 6-1 шикаст дод. «Саройкамар»-и Панҷ ба дарвозаи дастаи меҳмон – «Ваҳдат»-и Ашт панҷ голи беҷавоб зад. «Хайр»-и Ваҳдат дар майдони худ «Далерон-Ӯротеппа»-и Истаравшанро бо ҳисоби 2-0 мағлуб кард. «Эсхата”-и Хуҷанд дар меҳмонӣ бар “Парвоз”-и Бобоҷон Ғафуров бо ҳисоби 3-2 пирӯз шуд.

Бозии “Ҳосилот”-и Фархор бо тими меҳмон – “Исфара”-и Исфара бо ҳисоби 2-2 ба охир расид. Ду бозии дигар байни дастаҳои «Энергетик”-и Душанбе – “Регар-ТадАЗ”-и Турсунзода ва ССКА “Помир”-и Душанбе – “Равшан”-и Кӯлоб бидуни гол поён ёфт.

Ҷоми Тоҷикистон. 1/8 финал. Бозиҳои аввал

«ИСТИҚЛОЛ» - «ХУҶАНД» - 6:1

Голҳо: Дилшод Восиев, 11 (1:0). Умедҷон Шарифов, 15 (2:0). Дилшод Восиев, 32 (3:0). Ҷаҳонгир Эргашев, 45+1 (4:0). Фатҳулло Фатҳуллоев, 50 (5:0). Сайриддин Ғаффоров, 69 (5:1). Ромиш Ҷалилов, 90 (6:1).

«ҲОСИЛОТ» - «ИСФАРА» - 2:2

Голҳо: Муҳаммад Абдураҳмонов, 17 (1:0). Дилшод Бозоров, 47 (1:1). Муҳаммад Абдураҳмонов, 65 (2:1). Акрам Файзиев, 80 (2:2).

«ПАРВОЗ» - «ЭСХАТА» - 2:3

«САРОЙКАМАР» - «ВАҲДАТ» - 5:0

Голҳо: Иброҳими Муҳтоҷзода, 4 (1:0). Соҳибҷон Ваҳҳобов, 30 (2:0). Соҳибҷон Ваҳҳобов, 54 (3:0). Иброҳими Муҳтоҷзода, 88 (4:0). Ҷонибек Ғаффоров, 90+3 (5:0).

«ХАЙР» - «ДАЛЕРОН-ӮРОТЕППА» - 2:0

«ЭНЕРГЕТИК» - «РЕГАР-ТАДАЗ» - 0:0

Аз майдон хориҷ шуд: Рустам Ризоев («Энергетик»), 90+5 – барои зарба ба рӯи рақиб, Бахтиёр Қаландаров («Регар-ТадАЗ»), 90+5 – барои таҳқири рақиб.

ССКА «ПОМИР» - «РАВШАН» - 0:0

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG