Пайвандҳои дастрасӣ

Хабари нав

Бохти «Равшан» ба “Ал Сувайқ” дар Умон (10 АКС)


Дастаи “Равшан”-и Кӯлоб аз тими «Ал Сувайқ»-и Умон бо ҳисоби 1-3 мағлуб шуд.

Ин бозии даври аввали Ҷоми АФК-2014 дар гурӯҳи «А» байни «Равшан», қаҳрамони дукаратаи Тоҷикистон ва«Ал Сувайқ», қаҳрамони секаратаи Умон, шаби сешанбеи 25-уми феврал дар варзишгоҳи «Seeb Sports Complex»-и шаҳри Мускат бо ҳузури 2000 тамошобин баргузор шуд. Ҳарорати ҳаво 23 дараҷа гарм буд.

Муҳаммад Солеҳ Ал Ғассонӣ, бозигариАл Сувайқ”, дар дақиқаи 30-юм ҳисобро боз кард. Дастаҳо бо ҳисоби 1-0 ба танаффус баромаданд. Голи дувуми Сувайқ”-ро Абдулраҳмон Солеҳ дар дақиқаи 59-ум ба самар расонд. Нуъмонҷон Ҳакимов, ҳамлагари “Равшан”, дар дақиқаи 78-ум ҳисобро тағйир дод. Баъди ду дақиқа Сидоҳ Сирикӣ голи севумро ба дарвозаи меҳмонон зад.

Ҳайати дастаи “Равшан” дар ин бозӣ чунин буд: Рустам Ризоев, Далерҷон Тухтасунов (капитан), Содиқ Мӯсо (Нуъмонҷон Ҳакимов, 46), Алексей Неъматов, Сайриддин Ғаффоров, Ҳикматулло Расулов, Соломон Течи, Давронҷон Тухтасунов ( Муҳаммадҷони Ҳасан, 61), Ҳасан Рустамов, Бахтиёр Ҳасанов, Наврӯз Рустамов (Комрон Саидзода, 86).
Огоҳонида шуданд: Содиқ Мӯсо 27, Соломон Течи, 30, Юсуф Абдулло Амир-Ас-Саъдӣ 83.
Менеҷери даста: Дилшод Шарифов.
Сармураббӣ: Ғайраталӣ Мираҳмадов.
Ба ин бозӣ гурӯҳи ҳакамон аз Ироқ бо раҳбарии Муҳанад Қосим Саррой доварӣ карданд.

Дар бозии дигари гурӯҳи “А” тими «Сафо»-и Лубнон дар майдони худ бар дастаи «Зат Рас»-и Урдун бо ҳисоби 1-0 ғалаба кард. Голро Ҳасан Нозимеҳ дар дақиқаи 79-ум ба самар расонд. Бояд гуфт, ки дар дақиқаи 7-ум Алӣ Ал Саъдӣ, бозигари “Сафо”, корти сурх гирифт ва мизбонон то охири бозӣ дар майдон 10 нафар буданд.

Мавқеи дастаҳо дар ҷадвали мусобиқа
Ҷ Дастаҳо Б Ғ М Б Т И
1 « Ал Сувайқ» 1 1 0 0 3-1 3
2 «Сафо» 1 1 0 0 1-0 3
3 «Зат Рас» 1 0 0 1 0-1 0
4 «Равшан» 1 0 0 1 1-3 0

«Равшан» дар даври дувум рӯзи сешанбеи 11-уми март дар майдони худ бо тими «Сафо»-и Бейрути Лубнон бозӣ мекунад. Бозии дигар миёни дастаҳои «Зат Рас» (Урдун) - «Ал Сувайқ» (Умон) баргузор мешавад.

Давраи гурӯҳии Ҷоми AFC-2014
Тақвими бозиҳои гурӯҳи «А»

Даври 1-ум
25-уми феврал (сешанбе)
«Ал Сувайқ» (Умон) - «Равшан» (Тоҷикистон) – 3-1
«Сафо» (Лубнон) - «Зат Рас» (Урдун) – 1-0

Даври 2-юм
11-уми март (сешанбе)
«Равшан» (Тоҷикистон) - «Сафо» (Лубнон)
«Зат Рас» (Урдун) - «Ал Сувайқ» (Умон)

Даври 3-юм
18-уми март (сешанбе)
«Равшан» (Тоҷикистон) - «Зат Рас» (Урдун)
«Ал Сувайқ» (Умон) - «Сафо» (Лубнон)

Даври 4-ум
2-юми апрел (чоршанбе)
«Зат Рас» (Урдун) - «Равшан» (Тоҷикистон)
«Сафо» (Лубнон) - «Ал Сувайқ» (Умон)

Даври 5-ум
9-уми апрел (чоршанбе)
«Равшан» (Тоҷикистон) - «Ал Сувайқ» (Умон)
«Зат Рас» (Урдун) - «Сафо» (Лубнон)

Даври 6-ум
23-юми апрел (чоршанбе)
«Сафо» (Лубнон) - «Равшан» (Тоҷикистон)
«Ал Сувайқ» (Умон) - «Зат Рас» (Урдун)

Шарҳҳоро бинед (23)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG