Ҷамшед Ҷӯрабоеви 33-сола як рассом, тавре худаш мегӯяд, рассоми конспетулаӣ ва тарроҳ аст, ки барои сохтани филмҳову реклама кор мекунад. Ҳоло ӯ дар ширкати MPC-и Лондон кор мекунад. Моли ӯ ҳоло бештар дар бозори синамову рекламаи ғарб ва Русия харидор дорад, чун рассоми фанновариҳои нав аст.
Вай бо ширкатҳои маъруфи ҷаҳонӣ ҳамкорӣ карда, дар эҷоди филми “Утомленные солнцем 2", "Обида”, «Ҳомиёни Галактика», «Перси Ҷексон-2» ва ғайра ҳамчун рассом ва тарроҳ саҳм гирифтааст. Дар сӯҳбат ихтисосиаш бо радиои Озодӣ Ҷамшед дар бораи кору фаъолияти худ маълумот дод.
![Ҷамшед Ҷӯрабоев: рассом ва тарроҳи филмҳо]()
Нигористон
Ҷамшед мегӯяд, ки вақте ҳамсолонаш дар охири солҳои 1990-ум мехостанд бо тафреҳу хушгузаронӣ машғул шаванд, ӯ аз паи омӯзиш ва таҳсил буд, чунки бисёр мехост, ки дар зиндагиаш чизеро тағйир диҳад. Вай мегӯяд, ба ҳеҷ сурат ҳадафаш “сарватманд ва ё маъруф” шудан набуд. “Мақсади ман омӯзиш ва касби ихтисос буд, ман соатҳои зиёд аз хона набаромада зиёд мехондаму меомӯхтам ва ҳамеша мутмаин будам, ки вақте инсон бо сари хам ва хоксорона аз паи ҳадафаш меравад, ба ҳадафаш мерасад".
Пулу шӯҳрат, мегӯяд ӯ, ҳадафи зиндагӣ буда наметавонад. Ӯ мегӯяд, таҷрибаи зиндагиаш нишон дод, ки бисёр ҷавонҳои тоҷик “бовар надоранд, ки метавонанд Роналдо ё Мессии оянда шаванд ва шароитеро, ки зиндагӣ барояшон пешниҳод мекунад, бечунучаро қабул мекунанд”. Ба андешаи ӯ, ин як иштибоҳи сартосарӣ аст, ки боиси сархам шудани мардум дар муҳоҷирати корӣ ва таҳаммули сахтиҳову беҳуқуқиҳо шудааст.
Шакли пурраи ин сӯҳбатро ин ҷо тамошо кунед:
Вай бо ширкатҳои маъруфи ҷаҳонӣ ҳамкорӣ карда, дар эҷоди филми “Утомленные солнцем 2", "Обида”, «Ҳомиёни Галактика», «Перси Ҷексон-2» ва ғайра ҳамчун рассом ва тарроҳ саҳм гирифтааст. Дар сӯҳбат ихтисосиаш бо радиои Озодӣ Ҷамшед дар бораи кору фаъолияти худ маълумот дод.
Ҷамшед Ҷӯрабоев: рассом ва тарроҳи филмҳо
Ин ҷавони тоҷикистонӣ, ки дар Душанбе ба воя расида, мактаби миёнаро хатм кардааст, ҳоло як тарроҳи муваффақест, ки бо маъруфтарин филмсозони ҷаҳон ҳамкорӣ мекунад. Рӯзи 15 апрел Ҷамшед Ҷӯрабоев ба саволҳои радиои Озодӣ дар як гуфтугӯи мустақим аз Лондон посух хоҳад дод. Саволҳои худро ба Ҷамшед фиристед
Ҷамшед мегӯяд, ки вақте ҳамсолонаш дар охири солҳои 1990-ум мехостанд бо тафреҳу хушгузаронӣ машғул шаванд, ӯ аз паи омӯзиш ва таҳсил буд, чунки бисёр мехост, ки дар зиндагиаш чизеро тағйир диҳад. Вай мегӯяд, ба ҳеҷ сурат ҳадафаш “сарватманд ва ё маъруф” шудан набуд. “Мақсади ман омӯзиш ва касби ихтисос буд, ман соатҳои зиёд аз хона набаромада зиёд мехондаму меомӯхтам ва ҳамеша мутмаин будам, ки вақте инсон бо сари хам ва хоксорона аз паи ҳадафаш меравад, ба ҳадафаш мерасад".
Пулу шӯҳрат, мегӯяд ӯ, ҳадафи зиндагӣ буда наметавонад. Ӯ мегӯяд, таҷрибаи зиндагиаш нишон дод, ки бисёр ҷавонҳои тоҷик “бовар надоранд, ки метавонанд Роналдо ё Мессии оянда шаванд ва шароитеро, ки зиндагӣ барояшон пешниҳод мекунад, бечунучаро қабул мекунанд”. Ба андешаи ӯ, ин як иштибоҳи сартосарӣ аст, ки боиси сархам шудани мардум дар муҳоҷирати корӣ ва таҳаммули сахтиҳову беҳуқуқиҳо шудааст.
Шакли пурраи ин сӯҳбатро ин ҷо тамошо кунед:
