Вазорати маориф ва илми Тоҷикистон қаблан иттилоъ дода буд, ки 1-уми сентябр дар тамоми мактабҳои кишвар дарсҳо тибқи ҷадвал оғоз мешавад.
Ҳарчанд мақомот мегӯянд, шароити таҳсил дар кишвар беҳтар шудааст, аммо баъзе омӯзгорони донишгоҳҳо аз сатҳи пасти дониши донишҷӯён шикоят мекунанд, ки дар мактаби миёна донишҳои лозимиро нагирифтаанд.
Тибқи иттилои расмӣ, дар зиёда аз чор ҳазор муассисаи таълимии кишвар 2 миллиону 280 ҳазор нафар хонанда таҳсил мекунанд. Имсол 250 ҳазор ба синфи якум рафтаанд.
