Адибаи Азиз дар доираи адибони ҷавони тоҷик яке аз қаламкашони боистеъдод унвон мешавад, ки ҳамчунин мизбонии барномаи фарҳангиеро дар телевизиони "Пойтахт дар душ дорад." Номи ӯ дар ин авохир замоне сари забонҳо омад, ки дар ҷараёни пахши як барномаи адабӣ фиристандаи мавҷҳои телевизионӣ аз кор монд ва пахши барнома қатъ шуд. Гулрухсори Сафӣ-шоираи номовари тоҷик меҳмони ин барнома буд ва ин ҳолат назарҳоеро ба вуҷуд овард, ки ин кор барқасдона шудааст. Шабакаҳои давлатӣ маъмулан аз пахши назари шахсиятҳое чун Гулрухсор, ки мақомотро танқид мекунанд, худдорӣ мекунанд ва ҳоло гуфта мешавад, ки сӯхтани фиристандаи мавҷҳо сигнали аввалин ба мақомоти "Пойтахт" аст. Таваҷҷуҳ кунед ва сӯҳбати Нурмуҳаммади Холзода бо Адибаи Азиз.
Барномаҳои телевизиони "Пойтахт" шоми якшанбе, 24 феврал ҳангоми пахши барномаи фарҳангӣ бо иштироки Гулрухсор ногаҳон қатъ шуд.