Пайвандҳои дастрасӣ

Эрон барномаи ҳастаии худро қатъ карданӣ нест


Нерӯгоҳи ҳастаӣ дар Бушаҳри Эрон

Намояндаи ҳукумати Эрон Ғулом Ҳусейн Илҳом гуфтааст, ки Эрон мавқеъи худ дар робита ба барномаи ҳастаияшро тағйир нахоҳад дод.

Вай афзудааст, Теҳрон барои идомаи музокирот бо кишварҳои ғарбӣ омода аст ва аммо дар ин гуфтушунид мавзӯъи қатъи ғанисозии ураниумро баррасӣ карданӣ нест.

Рӯзи ҷумъа Теҳрон посухи расмии худ ба бастаи пешниҳодҳои ахири “шашгона” - панҷ кишвари узви доимии Шӯрои амнияти Созмони Милали Муттаҳид ба изофаи Олмон дар ивази қатъи ғанисозии ураниумро ба Ҳавиер Солана, раҳбари бахши сиёсати берунаи Иттиҳодияи Аврупо ироа кард. Муҳтавои ин посух ошкор нашудаст.

Кишварҳои ғарбӣ Эронро дар талошҳои дастёбӣ ба силоҳи ҳастаӣ айбдор мекунанд. Теҳрон дар ҷавоб мегӯяд, ки барномаи ҳастаии кишвар фақат аҳдофи осоишта дорад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG