Дабири кулли СММ Бан Кӣ Мун ва Шӯрои Амнияти СММ ҳамлаи маргталабона дар Қандаҳори Афғонистонро, ки ҳаёти наздик ба 80 нафарро аз байн бурдааст, маҳкум намуданд. Бомбгузори маргталаб маводи таркандаро замоне фаъол намуд, мардуми зиёд барои тамошои сагҷанг ҷамъ шуда буданд. Мансабдорон Толибонро масъули ҳамла номиданд, вале ин гурӯҳи марбут бо созмони террористии Ал-Қоида даст доштан дар ҳамларо рад кардааст.
